Main navigation
© 2023 आउटलिव | सेवा की शर्तें | गोपनीयता धोरण
हस्तक्षेप
पियर सपोर्ट
एक तरुण व्यक्ती ज्यांच्या मनात सुसाईडचे विचार येत आहेत त्यांना एकटे आणि एकाकी वाटू शकते. विशेषतः वंचित समाजातील तरुणांना ह्याबाबत मदत घेणे अवघड ठरू शकते. सेवा कमी प्रमाणात उपलब्ध आहेत व अनेकदा तरुणांच्या गरजा किंवा पार्श्वभूमीला उपयुक्त नसतात.
‘Peer’ (पियर) म्हणजे अशी व्यक्ती ज्यांना आपल्यासारखेच अनुभव आलेले असतील किंवा ज्यांची सामाजिक पार्श्वभूमी तुमच्याशी मिळतीजुळती आहे. जेव्हा एखादी व्यक्ती तणावाखाली असेल, त्यांच्या मनात जर सुसाईडसंबंधी विचार येत असतील तेव्हा आपली परिस्थिती समजून घेणाऱ्या व्यक्तीशी (पियर) संवाद साधून, त्यांच्याकडून भावनिक आधार घेणे उपयुक्त ठरू शकते. म्हणूनच पियर सपोर्ट पुरवणे हा आउटलिवच्या सुसाईड प्रतिबंधाचा एक महत्वाचा भाग ठरतो.
आउटलिव चॅट
आउटलिव चॅट ही एक मोफत सुविधा आहे जी तरुणांच्या योगदानातून व संशोधनामधून तयार झाली आहे. संशोधन दाखवते की सुसाईडबद्दल विचार बाळगणाऱ्या तरुण व्यक्ती एका पियरची चॅटद्वारे निनावी मदत मागणे पसंत करतात. आउटलिव चॅट हा 18 ते 24 वयोगटातील तणावग्रस्त व आयुष्य संपवण्याचा विचार करत असलेल्या तरुणवर्गासाठी बनवलेला एक सुरक्षित मंच आहे जिथे ते एका पियर सपोर्टरकडून निनावी, चॅटरुपी भावनिक आधार घेऊ शकतात.
आमच्या पियर सपोर्टरशी आउटलिव चॅट वर संवाद साधण्यासाठी, तुमची स्वतःची सुरक्षा योजना बनवण्यासाठी आणि स्वतःची काळजी घेण्याचे साधने आणि इतर संसाधने साठी ह्या लिंक वर क्लिक करा https://chat.outlive.in.
